Plantun de Prouvènço

Pèr coumpara dos planto d'encò nostre

Pyrola minor & Epipactis distans

Pyrola minor

Ericaceae

Nom en français : Petite Pirole.

Descripcioun :
Aquelo pirolo trachis dins li pinedo, li sapiniero e li champino sus sòu séusous. Fai de fueio basalo à limbe pulèu redoun à óuvale que pòu faire fin qu'à 1,5 cm. Li flour soun pichouno de 5 à 8 mm alor que l'enflourejado èi longo de 2 à 8 cm. Se destrìo dis àutri pirolo que soun estile èi pas torse e que se vèi pas à la flourido, au contro de Pirola media. Coumpara emé li pirolo di gènre Orthilia e Monenes.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 20 cm
Fueio : basalo
Tipe bioulougico : Camefite
Cicle bioulougico : Planto renadivo

Gènre : Pyrola
Famiho : Ericaceae

Ordre : Ericales

Coulour de la flour : Roso
Petalo : 4
Ø (o loungour) flour : 5 à 8 mm
Flourido : Printèms - Estiéu

Sòu : Si
Autour basso e auto : 100 à 2200 m
Aparado : Noun
Jun à avoust

Liò : Pinedo - Sapiniero - Champino
Estànci : Subremediterran à Subaupen
Couroulougi : Bourealo
Ref. sc. : Pyrola minor L., 1753

Erbo-di-mousco(-di-fueio-luencho)

Epipactis distans

Orchidaceae

Nom en français : Epipactis à feuilles distantes.

Descripcioun :
Aquesto erbo-di-mousco trachis en mountagno subretout dins li pinèdo à pin-gavot. Es uno planto rèdo e drecho que porto de fueio de 30 à 70 mm, espassejado, un pau redouno e subretout dreissado contro la cambo à 30-60°. Lou bout de la labreto (epichile) èi blanc alor qu'avans èi marroun (ipochile). Li tepalo d'en dedins soun pulèu un pau roso. Poudèn apoundre que li poulinìo parton en douliho après quàuqui ouro (mai pas dessuito).

Usanço :
Lis erbo-di-mousco podon servi à sougna li plago e à neteja (detergènto).

Port : Grando erbo
Taio : 30 à 100 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Epipactis
Famiho : Orchidaceae

Ordre : Asparagales

Coulour de la flour : Verdo
Petalo : irreguliero
Ø (o loungour) flour : 14 à 16 cm
Flourido : Printèms - Estiéu

Sòu : Ca
Autour basso e auto : 800 à 2200 m
Aparado : Noun
Jun à avoust

Liò : Pinedo - Bos caud - Óuriero de bos
Estànci : Mountagnard à Subaupen
Couroulougi : Éuropenco-Sud
Ref. sc. : Epipactis distans Arv.-Touv., 1872 (= Epipactis helleborine subsp. orbicularis (K.Richt.) E.Klein, 1997 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Pyrola minor & Epipactis distans

ges

Coumpara Pirolo(-pichouno) emé uno autro planto

Coumpara Erbo-di-mousco(-di-fueio-luencho) emé uno autro planto